Үзәк шәһәр китапханәсендә Яр Чаллы шәһәренә багышланган сәнгать күргәзмәсе ачылды

Үзәк шәһәр китапханәсенең Кече картиналар галереясендә Чаллы шәһәренә багышланган сәнгать күргәзмәсе ачылды. Экспозициядә Яр Чаллы бүлекчәсе «Россия Рәссамнар берлеге» Бөтенроссия иҗади иҗтимагый оешмасы әгъзаларының һәм әгъзалыкка дәгъва итүчеләрнең эшләре тәкъдим ителде. 23 Чаллы рәссамы шәһәрнең яраткан һәм кадерле булган урыннарын сурәтләгән картиналарын күрсәтте.

Күргәзмәнең кураторы - Татарстан Республикасының атказанган сәнгать эшлеклесе, «Тамга» рәссамнар иҗат төркеме җитәкчесе Хәмзә Шәрипов, экспозицияне тәкъдим итеп, сәламләү сүзен әйтте. Күргәзмәдә катнашучылар үз эшләре һәм яраткан шәһәр урыннары турында сөйләделәр.
Музыкаль чыгышлары белән Елена Емалтынова һәм Диана Суходольская чараны бизәделәр.
«Үзәкләштерелгән китапханәләр системасы» МБУнең Әдәбият тарихы музее мөдире, ТРның атказанган мәдәният хезмәткәре Роза Хәмидуллина шәһәребез турында шигырьләр укыды.
Экспозиция 25 августка кадәр эшләячәк, керү бушлай.