Укытучыларның яртысы математикадан тестны үтә алмаган

Бердәм федераль тест нәтиҗәләре буенча математика һәм информатика укытучыларының яртысы әлеге биремне башкарып чыга алмаган.

Тарих, экономика, рус теле һәм әдәбиятыннан укытучыларның чирегенең нәтиҗәләре канәгатьләнерлек булмаган. Ә менә җәмгыять белеме һәм хокуктан укытучылар биремне уңышлырак башкарып чыкты, дип хәбәр итә Россия мәгариф күзәтчелеге матбугат хезмәте.
Ведомство җитәкчесе Сергей Кравцов белдерүенчә, бу тикшерүләрнең максаты - "безнең педагогик кадрлар әзерләү системасы дөньяда иң яхшыларның берсе булсын өчен, квалификация күтәрүдә тиешле нәтиҗәләр чыгару".