Уфада Габдулла Тукай һәйкәле проектына бәйге игълан ителде

Башкортстанда шагыйрь Габдулла Тукай һәйкәле проектына конкурс игълан ителгән. Бу хакта "Башинформ" хәбәр итә.
Һәйкәлне "Нур" Уфа татар дәүләт театры каршындагы мәйданга урнаштырырга планлаштыралар.
Башкортстан Мәдәният министрлыгы хәбәр итүенчә, бәйгедә катнашу өчен проектларны быелның 1 июленә кадәр тапшырырга кирәк.