Тукай районында Вьетнам кунакларын татарчага биеттеләр

Тукай районы Иске Абдул авылында урнашкан "Гиндукуш" иҗтимагый-патриот музее чит ил кунакларын кабул итте. Бу хакта "Якты юл" газетасы яза.

Вьетнамнан КамАЗ заводына эшлекле сәфәр белән килгән делегация Иске Абдул авылы клубында оешкан «Асылъяр» ансамбленең җырларын тыңлап, татарча биеп күңел ачканнан соң, музейдагы экспонатлар белән таныштылар.
"Кунаклар бик зур дулкынлану хисләре алып китте", - дип хәбәр итә музей хезмәткәрләре.