Түбән Камада онкологик авырулардан терелеп килүче кешеләр өчен мәктәп ачыла

Бүген, 24 гыйнварда, 10:00 сәгатьтә Түбән Кама сырхауханәсенең актлар залында Онкологик авырулардан терелеп килүче кешеләр өчен пациент мәктәбенең беренче лекциясе узачак.

Бу хакта ТР Сәламәтлек саклау министрлыгының матбугат хезмәте хәбәр итә.
Мәктәптә катнашучыларның сорауларына онколог, психолог һәм фармаколог җавап бирәчәк. Алар дарулар, туклану турында, химиотерапиядән соң ничек төзәлергә һәм үзләренең куркулары белән ничек көрәшергә кирәклеге турында сөйләячәкләр. Мондый лекцияләрне айга бер тапкыр төрле белгечләр белән үткәрү планлаштырыла.
Барлык теләүчеләр өчен керү ирекле. Үткәрү урыны - Түбән Кама шәһәре., Ахтубинская урамы, 11нче йорт. Сорауларны алдан 8-917-260-55-83 телефоны буенча бирергә мөмкин.

 https://tatar-inform.tatar/news/2019/01/24/179422/