Оператив мәгълүматларга караганда, сигез кешедән торган җинаятьчел төркемнең көнлек әйләнеше уртача 100 мең, тулаем кереме 7,5 миллион сумга якын тәшкил иткән.
Төркемне оештыручы Александр Федонин – 24, Сергей Иванов, Евгений Казамаров, Игорь Пухачев һәм Геннадий Чернов 23, 22, 19 һәм 14 елга ирекләреннән мәхрүм ителде. Төркемнең тагын өч әгъзасы 5 – 12 ел гомерен рәшәткә артында үткәрәчәк.
Тикшерү барышында җинаятьчеләр полицейскийларга төрлечә комачаулык итәргә тырышкан: авыру, юләр булып кыланган, шаһитләр һәм хөкемдарга янаган, полиция хезмәткәрләренә һөҗүм иткән һ.б.
Комментарийлар