Түбән Кама мәктәпләрендә вендинг аппаратларын куллану буенча "кайнар линия" эшли

Түбән Кама шәһәр мәктәпләрендә вендинг аппаратларын куллану буенча "кайнар линия" эшли башлаган. Бу хакта "Туган як" газетасы яза.

Хастаханәләрдә, уку йортларында һ.б. урыннарда урнаштырылган бу җиһазга акча салып, кофе, чәй сатып алып була.

Хәзерге вакытта мондый җиһазлар 29 нчы мәктәптә, 2 нче һәм 32 нче гимназияләрдә бар. Балалар аннан сок сатып ала.

Мәгариф идарәсе белгечләре әйтүенчә, Түбән Кама мәктәпләрендә буфетлар яхшы эшли. Димәк, тәнәфестә укучылар сок белән бөккән ашый алалар. Якын киләчәктә  вендинг аппаратларын өстәмә белем бирү учреждениеләрендә урнаштыру планлаштырыла.

"Роспотребнадзор" белгечләре сорауларны һәм тәкъдимнәрне 4 мартка кадәр  кабул итә.