Трамвай ишегенә кысылып калган ир көчкә исән калган

 
Әлеге хәл Саратов шәһәре үзәгендә көпә-көндез булган.

Вакыйганың шаһитлары төшереп алган видеоязмадан күренгәнчә, трамвай ишегенә аягы кысылып калган мескен ир-ат җирдән сөйрәлеп бара. Моны күреп алган башка пассажирлар кисәтүенә һәм узып баручы автомобиль хуҗалары сигнал бирүенә карамастан, трамвай йөртүче ханым нилектәндер ишетми. Бәхеткә, күпсанлы тән җәрәхәтләре алган ир-ат исән кала, ул хастаханәдә.
Хәзерге вакытта фаҗига буенча тикшерү бара.