ТР Урман селекция-орлыкчылык үзәгендә миллионнарча нарат орлыгы чәчелә

Татарстанның Саба муниципаль районындагы Урман селекция-орлыкчылык үзәгендә ябык тамыр системасы белән үсентеләр үстерү буенча заманча комплекста беренче ротация – 4 миллион данә гади нарат орлыкларын чәчү эшләре башланды, диелә ТР Урман хуҗалыгы министрлыгы хәбәрендә.

Утырту материаллары теплицада май аена кадәр үсәчәк. Нәкъ менә шул чорда алар таратыла башлый да: урман хуҗалыгында урман-утырту эшләре үткәрелә. 15 сентябрьгә кадәр таратып бетерелмәгән материаллар теплицалардан кырларга, үстереп бетерү максатында, утыртылачак.