ТР Министрлар Кабинеты Кама аръягында дуңгызчылык һәм кошчылык комплексы төзелешен раслады

Әлеге ике объект та 2018 елның инвестицияләр меморандумына кертелгән.
Бу документта республика өчен мөһим булган проектлар исемлеге бирелгән, аларга ташламалар бирү дә каралган, дип яза https://www.idelreal.org.
Минзәлә районында "Камский бекон" дуңгызчылык комплексы төзелешенә район халкы каршы чыкты. Шундый ук хәл Тукай районында да булды. Анда "Агросила" холдингы "Мусабай" бройлерлар үстерү мәйданчыгы төзергә ниятләгән иде.
Шулай ук меморандумга Казан янында чүп яндыру заводы төзелеше дә кертелгән.