ТР җитәкчелеге ритейлерлар белән бәяләрне хәзерге дәрәҗәдә саклау турында килеште
Татарстан җитәкчелеге ритейлерлар белән бәяләрне хәзерге дәрәҗәдә саклау турында килеште. ТР Президентының матбугат хезмәте җитәкчесе Лилия Галимова брифингта шулай дип белдерде.«Авыл хуҗалыгы продукц...
Татарстан җитәкчелеге ритейлерлар белән бәяләрне хәзерге дәрәҗәдә саклау турында килеште. ТР Президентының матбугат хезмәте җитәкчесе Лилия Галимова брифингта шулай дип белдерде.
«Авыл хуҗалыгы продукциясе җитештерүчеләр белән бәяләрне арттыруга юл куярга ярамаганлыгы турында аңлату эшләре үткәрелде. Килеп туган вазгыятьтә бәяләр белән спекуляция ясауга юл куймаска кирәк. Татарстан Президентының шундый күрсәтмәсе бар», - дип өстәде ул.
Кичә кич сәүдә челтәрләрендә сатып алучылар саны сизелерлек кимеде. «Без республикада яшәүчеләрне ыгы-зыгыга бирелмәскә һәм бу мәсьәләдә сак булырга чакырабыз. Продукция җитәрлек», - дип искәртте Галимова.
Татарстан Эчке эшләр министрлыгында, әгәр азык-төлеккә бәяләрне күтәрсәләр, кибетләрне тикшерәчәкләре хакында хәбәр иткәннәр иде инде.
Фото: Султан Исхаков
Татар-информ мәгълүмат агентлыгы
Вход на сайт
Комментарийлар