Төшле җимешләр кайнатмасын күпме сакларга ярый?

Чия, слива, абрикос компотлары кайвакыт артык күп ясала һәм бер кыш эчендә генә эчелеп бетми. Аларны күпме сакларга ярый соң?
Бу сорау күп кенә хуҗабикәләрне борчый. Билгеле булуынча, чия, абрикос төшендә амигдалин матдәсе (В17 витамины) бар, аз микъдарда ул онкологик авырулардан саклый. Яңа гына әзерләнгән кайнатма, компоттагы амигдалин кеше сәламәтлегенә зыян китерми. Озак торганда, зыянлы синиль кислотасына әверелә. Вакыт үткән саен синиль кислотасы микъдары арта. Шуңа төшле җимешләрдән әзерләнгән кышкы запасларны бер елда эчеп-ашап бетерергә кирәк.
Төшен алып әзерләгән очракта, кайнатманы 2-3 ел сакларга була. Тик аны нигә бу кадәр сузарга?!
 

Фото: ok.ru

https://kiziltan.rbsmi.ru/articles/poleznoe/T-shle-imeshl-r-kaynatmasin-k-pme-saklarga-yariy-582027/