Тинчуринлыларны Абхазиядә дә карыйлар

Кәрим Тинчурин исемендәге Татар дәүләт драма һәм комедия театрының Абхазиягә әле беренче гастрольләре.

22, 23 июнь көннәрендә театр Сухум каласында С.Чанба исемендәге Абхазия дәүләт драма театрында Исламия Мәхмүтова әсәрләре буенча куелган "Мәхәббәт чишмәсе" һәм "Күрәсем килгән иде..." спектакльләрен күрсәтәчәк. Бу гастрольләр Абхазия Республикасы Мәдәният һәм тарихи-мәдәни мирасны саклау министрлыгы һәм Татарстан Республикасы мәдәният министрлыгы арасында планлаштырылган уртак чаралар турындагы килешү нигезендә тормышка ашырыла, дип хәбәр итә Тинчурин театры матбугат хезмәте.