Телефонны төнгелеккә сүндерәсезме?

Табиб смартфондагы зарарлы нурланышның иң көчле чорын атады.
Кәрәзле телефонның кеше сәламәтлегенә йогынтысы берничә тапкыр тикшерелде. Аның төп зыяны — телефон аша сөйләшкәндә дә, тәнгә якын вакытта да электромагнит нурланышы. Зыян дәрәҗәсе кешенең җайланмадан ничек еш файдалануы һәм аның көн дәвамында үзенә ничек якын тотуы белән билгеләнә, дип белдерә табиб-невролог, "СМ-Клиника" табиб-нейрохирургы Марат Якупов.
"Смартфоннарны даими куллану аркасында еш баш авыртуы, көндез йокы килүе, ярсучанлык һәм хәлсезлек барлыкка килергә мөмкин", — дип билгеләп үтә табиб.
Телефонны кесәдә йөртергә һәм озак сөйләшергә ярамый. Сөйләшү никадәр кыскарак булган саен, тискәре йогынтысы да азрак.
"Әгәр сөйләшергә кирәк икән, 15 минуттан тәнәфес ясарга онытмагыз. Төнгә телефонны бөтенләй сүндерергә кирәк, ә будильник сүндереп куелган очракта да эшли", — ди Якупов.
Ниһаять, телефонны бары тик абонент җавап биргәч кенә, баш янына китерегез. Чакыру режимы — зарарлы нурланышның иң көчле чоры, дип белдерә табиб.

Фото: facebook.com

https://kiziltan.rbsmi.ru/articles/poleznoe/Telefonni-t-ngelekk-s-nder-sezme-595384/