Татарстанга 30 градуслы суыклар килә

Иртәгә Татарстанда көчле салкыннар көтелә.

Синоптиклар һава температурасы 25-30 градуска кадәр төшәчәк дип фаразлый. Урыны белән хәтта 34 градуска кадәр суытачак.
21 декабрьгә каршы төндә температура үзгәрә, иртәнге якта кар явуы, буран һәм көчле җил чыгуы, һаваның кинәт җылынуы фаразлана. Көндез термометр баганасы 3 градустан 14 градуска кадәр суык булуын күрсәтәчәк, дип хәбәр итә Татарстан Гидрометеорология һәм әйләнә-тирә мохитне күзәтү идарәсе.