Татарстанда яңа татар телеканалы эшен башлый

Казанда "Туган тел" исемле яңа татар телеканалын тәкъдим иттеләр.
 
"Туган тел" Уфаның татар телле музыкаль телеканалы Татарстанда күрсәтә башлый. Бу хакта Казанда узган махсус матбугат конференциясендә сөйләделәр. Телеканалның Башкортстандагы генераль директоры Азат Вахитов белдерүенчә, Татарстан башкаласында телеканал тест рәвешендә узган елның август аенда ук эшли башлаган иде, ә "Корстон"да урнашкан филиалы тулысынча быел эшен башлады. Канал татар, башкорт һәм рус телләрендә алып барыла, төп контент - музыка. Әлегә Казандагы контент Уфаныкыннан аерылмый, алга таба үз контентларын булдыру планлаштырыла.