Татарстанда сөт ташучы КАМАЗ машинасы ауган. Кабинада бала утырган булган

Юл һәлакәте 29 июнь көнне 14.40 сәгатьтә Лениногорск районында килеп чыккан.
Фото: ГУ МЧС по РТ.
Сөт ташучы КАМАЗ машинасының 35 яшьлек  йөртүчесе сөйләвенчә, таудан төшкәндә тормозлары эшләми башлаган. Һәлакәт урынына ЮХИДИ хезмәткәрләре һәм коткаручылар килгән.
Машина йөртүче үзе зыян күрмәгән, ә менә янында утырып барган 13 яшьлек малае кулын сындырган - аны Чаллы хастаханәсенә алып килгәннәр.