Татарстанда шторм кисәтүе игълан ителде

Татарстанда һава шартлары җитди начараю сәбәпле, шторм кисәтүе игълан ителде. Бу хакта ТР Гидрометеорология үзәге хәбәр итте.
7 июньдә төнлә һәм көндез, шулай ук 8 июньдә төнлә республика территориясендә урыны белән яшенле яңгыр һәм көчле яңгыр көтелә. 7 июньдә төнлә төбәк көнчыгышындагы кайбер районнарда бик көчле яңгыр явачак.
Моннан тыш, боз яварга һәм көчле җилнең тизлеге секундына 15-20 метрга кадәр җитүе ихтимал. 7 июньдә көндез һәм 8 июньдә төнлә урыны белән бик көчле җил көтелә, ул секундына 26 метрга кадәр (шул исәптән Казанда – 7 июньдә сәгать 6дан алып 8 июньдә сәгать 8гә кадәр) җитәргә мөмкин.
Чыганак: https://tatar-inform.tatar/news/tatarstanda-yasenle-yangyr-ham-kocle-il-arkasynda-storm-kisatue-iglan-itelde-5855608