Татарстанда салкынча һава, бераз яңгырлар явачак

Татарстан Гидрометеорология һәм әйләнә-тирә мохит мониторингы идарәсе мәгълүматына караганда, бүген республикада салкынча һава һәм бераз яңгырлар көтелә.

30 июнь Татарстанда алмашынучан болытлы һава. Төнлә явым-төшемнәрсез, көндез урыны белән бераз яңгырлар явып узачак. Җил төньяк-көнбатыштан талгын.
Төнлә 6-11 градус җылы, ә көндез һава 23 градуска кадәр җылыначак. Казанда термометр баганалары 22 градустан күтәрелмәячәк.