Татарстанда рейс автобусы һәлакәткә юлыккан

Бүген иртән Лениногорскидан ерак түгел урында Лениногорск-Әлмәт рейс автобусы һәлакәткә юлыккан.

Аның Әлмәт ягына барышы булган. Беренчел фаразлар буенча, автобус йөртүче алдагы каршылыкны юл читеннән узган вакытта идарәне югалткан. Шуның аркасында автобус читкә төшеп ауган.
Автобуста булган 17 кеше люк аша чыккан. Тикшерү эше бара. Бер пассажирның хастаханәгә озатылуы хакында әйтелә.

Чыганак: http://intertat.ru/tt