Татарстанда массакүләм чаралар үткәрүне тыйдылар

28 февральдән Татарстан Республикасында массакүләм чаралар үткәрүне тыю гамәлгә керә. Тиешле карар хокукый мәгълүмат порталында барлыкка килде.
Тыю республикада эпидемиологик хәл яхшырганчыга кадәр гамәлдә булачак.
Моннан тыш, Татарстан Сәламәтлек саклау министрлыгына Донецк һәм Луганск халык республикаларыннан күченергә мәҗбүр булган һәм Татарстанга килгән гражданнарны коронавирус инфекциясенә тикшерү йөкләнде.

Чыганагы: https://tatar-inform.tatar/news/society/27-02-2022/tatarstanda-massak-l-m-charalar-tk-r-ne-tyydylar-5850269