Татарстанда көнкүреш газы шартлау нәтиҗәсендә ике кеше зыян күргән

Алабуга районының бер авылында бүген 3:25тә көнкүреш газы шартлау нәтиҗәсендә 55 һәм 70 яшьлек ир-атлар зыян күргән, дип хәбәр итә KZNLIVE.

Алар икесе дә 2,3 дәрәҗәдә пешеп, Алабуга үзәк хастаханәсенең хирургия бүлегенә озатылганнар.
Ир-атлар кәеф-сафа корып утырып, ятып йоклаганнан соң, берсе төнлә тәмәке көйрәтергә уйлый. Иске газ шлангасыннан газ чыгып тору сәбәпле, шартлау була, бәхеткә, янгын чыкмаган.