Татарстанда җил һәм буран көтелә
Татарстанга төньяктан җил һәм буран килә. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.Фаразлаулар буенча, 12 апрельдә, якшәмбе көндез һәм кич секундына 22 метр...
Татарстанга төньяктан җил һәм буран килә. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.
Фаразлаулар буенча, 12 апрельдә, якшәмбе көндез һәм кич секундына 22 метрга кадәр җил, урыны белән буран көтелә.
Татарстан Гражданнар оборонасы эшләре һәм гадәттән тыш хәлләр министрлыгы көчле җил һәм буран җитди куркыныч тудырырга мөмкин булуын искәртә. Йорттан чыкмаска, урамда реклама щитлары, элмә такталар, йорт диварлары һәм электр линияләре астында тормаска киңәш ителә.
Автомобильчеләргә шәһәрдән читкә китүне кичектерергә, ә юлда имин хәрәкәт сайларга, куркыныч маневрлар ясамаска кирәк.
Җәяүлеләргә игътибарлы булу, транспорт алдыннан йөгереп чыкмаска һәм ут кайтаргыч элементлары булган кием кияргә киңәш ителә.
Татар-информ мәгълүмат агентлыгы
Вход на сайт
Комментарийлар