Татарстанда җил электростанцияләре төзүгә әзерлек эшләре бара

Бу атнада Татарстанның өч районында җил электростанцияләре төзүгә әзерлек эшләре башлана, дип хәбәр итә "Татарстан 24".
Фото: livejournal.com
Аларны Спас, Балык Бистәсе һәм Кама Тамагы районнарында төзү планлаштырыла.
Хәзерге вакытта йөзәр метрлы өч метеомачтаны монтажлау эше төгәлләнеп килә. Алар җилнең тизлеген үлчәп, һәр 10 минут саен күрсәткечләрне күзәтүчеләргә җибәреп торачак. Үлчәү эшләре белән Казан энергетика университеты шөгыльләнә. Алар әлеге эш буенча тендер откан.