Татарстанда бер миллион тоннадан артык шикәр чөгендере җыеп алынган

Татарстан Авыл хуҗалыгы һәм азык-төлек министрлыгы матбугат хезмәте мәгълүматлары буенча, бүгенге көндә Татарстанда 30,9 мең гектардан 1 млн 28 мең тонна шикәр чөгендере алынган.

Гектарына уртача уңыш 332 ц туры килә.
Ә бәрәңге уңышы 4,4 мең гектардан (55 процент) 85,3 мең тонна булган. Бер гектардан уртача уңыш 192 ц тәшкил иткән. Республика хуҗалыкларында 0,5 мең гектардан (23 процент) 13,8 мең тонна яшелчә җыеп алынган.
43,7 мең га (45 процент) мәйданнан 146, 7 мең тонна бөртеккә кукуруз суктырылган, бер гектардан чыккан уңыш - 33,6 ц.
27,9 мең га мәйданнан (25 процент) көнбагыш суктырылган. Шулай ук бер гектардан 15 ц уңыш алынганда, барлыгы 41,9 мең тонна орлык суктырылган.