Татарстанда алдагы ике көндә температура +17 градуска кадәр күтәреләчәк

ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр иткәнчә, 11 апрельдә, Татарстанда алмашынучан болытлы һава, явым-төшем көтелми. Җил көньяк-көнчыгыштан, талгын. Төнлә һава температурасы 0..+5 градус тәшкил итсә, көндез термометрның терекөмеш баганасы +12..+17 градуска кадәр күтәреләчәк.
12 апрельдә дә алмашынучан болытлы һава, явым-төшем көтелми. Җил көнчыгыштан, талгын. Төнлә һава температурасы -1..+4, көндез исә +10..+15 градус тәшкил итәчәк.

Чыганагы: https://tatar-inform.tatar/news/tatarstanda-aldagy-ike-konda-temperatura-17-graduska-kadar-kutarelacak-5852917