Татарстанда 600дән артык укучы җәмгыять белеме буенча имтиханны тапшыра алмаган

334 Татарстан укучысы җәмгыять белеме буенча Бердәм дәүләт имтиханында 80-99 балл җыйган.

Быелгы имтихан 8 июньдә үткәрелде. Анда 7 мең 274 укучы катнашты.
641е минималь 42 баллны да җыя алмаган. 100 балл җыючылар бөтенләй юк.
БДИ тапшыру өчен өстәмә көннәр каралган, дип хәбәр итә ТР Мәгариф һәм фән министрлыгы матбугат хезмәте.