Татарстанда 30 градуслы эсселек көтелә

Чәршәмбе көнне Татарстанда аномаль эссе һава торышы саклана, көндез термометр баганалары 30 градуска кадәр күтәрелергә мөмкин. Бу хакта ТР Гидрометеорология үзәге хәбәр итә.
Синоптиклар мәгълүматына караганда, якын көннәрдә һава температурасы нормадан ким дигәндә тугыз градуска югарырак булачак.
Бүген республикада алмашынучан-болытлы һава торышы көтелә, явым-төшем ихтималы аз, талгын җил исәчәк.
Төнлә температура 5-10 градус була, көндез 25-30 градуска кадәр җылыта.
Һава торышы аномалияләре, шулай ук урманнарның янгын куркынычы югары булу сәбәпле, Татарстанда шторм кисәтүе игълан ителде.
 

Чыганагы: https://tatar-inform.tatar/news/ecology/12-05-2021/tatarstanda-30-gradusly-esselek-k-tel-5822888