Татарстанда 2017 елның иң оста сугышчысы булып Чаллы егете танылды

26 май көнне Казанда -  ТР "Алтын Билбау" милли премиясе - Татарстан буенча III сугыш сәнгате өлкәсендә югары бүләкләрне тапшыру тантанасы узды.
Фото: Филиал Российского Союза Боевых Искусств по Республике Татарстан
"2017 елның иң яхшы спортчысы" булып кёкусинкай каратэсы буенча күп тапкырлар Россия, Европа һәм Дөнья турнирларында җиңү яулаган, Чаллының  "12 нче номерлы Олимпия резервында торучы махсус балалар һәм яшьләр өчен спорт мәктәбе" укучысы Хаммат Акмалетдинов танылды. Спортчының тренерлары - Татьяна һәм Павел Козловлар.
Шулай ук Чаллыдан "Алтын Урда" ММА турниры генераль продюсеры Андрей Самцов "Елның иң яхшы промоутеры" номинациясендә җиңде.
Хатын-кызлар арасында "Иң яхшы спортчы" исемен ушу буенча Европа беренчелегенең алты тапкыр җиңүчесе Казаннан Идалия Гафарова яулады.