Татарстан халкын рәттән дүрт көн ял көтә

Ноябрь аенда татарстанлылар дүрт көн рәттән ял итәчәк. Бу турыда Татарстанның Хезмәт, халыкны эш белән тәэмин итү һәм социаль яклау министрлыгы матбугат хезмәте хәбәр итте.
 
Россия Хезмәт кодексының 112 нче маддәсе нигезендә 4 ноябрь – Халыклар бердәмлеге көне эшләми торган бәйрәм көн булып санала.
"Татарстан республикасының бәйрәм көннәре һәм истәлекле даталары турында" 1992 елның 19 февралендәге 1448-XII номерлы Татарстан республикасы кануны нигезендә 6 ноябрь – Татарстан Конституциясе, эшләми торган бәйрәм көн.
Шулай итеп, биш көнлек эш атнасы булганда 3, 4, 5 һәм 6 ноябрь ял көннәре буларак исәпләнә.
 

Бу хакта тулырак: https://tatar-inform.tatar/news/2018/10/30/174300/