Татарстан укучысы химия буенча Халыкара Менделеев олимпиадасында алтын медаль яулады

Минскта химия буенча 52нче Халыкара Менделеев олимпиадасы узды.

Биредә 22 илдән вәкилләр катнашты. Россия җыелма командасы 7 алтын һәм 3 көмеш медаль яулады, дип хәбәр итә ТР Мәгариф һәм фән министрлыгы матбугат хезмәте. Алтын медальгә ия булучылар арасында Татарстан Республикасының Түбән Кама районындагы 35нче лицейның 11 нче сыйныф укучысы Андрей Кобелев та бар.