Татарстан спортчысы йөзү буенча дөнья чемпионатында көмеш медаль яулады

“Р-Спорт” хәбәр итүенчә, Татарстан спортчысы Александр Красных йөзү буенча дөнья чемпионатында кроль стилендә 400 метрга йөзеп, көмеш медаль яулаган.

Беренче булып финишка Көньяк Кореядан Пак Тхэ Хван килгән, Красных бер секундтан да әзрәк вакытка соңга калып, 3.35,30 күрсәткече белән икенче урынга чыккан.
Канаданың Виндзор шәһәрендә 7-11 декабрь көннәрендә узучы кыска суда йөзү буенча дөнья чемпионатының беренче көнендә үк Россия җыелма командасы ике медальгә ия булды. Красных - көмеш медальгә, Никита Лобинцев, Михаил Вековищев, Владимир Морозов һәм Александр Попков составында Россия йөзүчеләре ир-атларның 4х100 метр эстафетасында кроль стилендә алтын медальгә ия булган.