Татарстан һәм Кыргызстан бергәләшеп кино төшерәчәк

Татарстан һәм Кыргызстан кино төшерү эшендә берләшергә уйлады.
Бишкәктә узган Татарстан киносы көне нәтиҗәләре буенча "Татаркино" җитәкчесе, КМФМК башкарма директоры һәм продюсер Миләүшә Айтуганова хәбәр итүенчә, экранлаштырыласы әсәрләр һәм киноны төшерү урыннары турында сөйләшүләр булган инде.
Бишкәктәге Татарстан киносы көне кысаларында республикабызда төшерелгән «Мулла», «Байгал», «Гастарбайтер», «Ышанмыйм!» , «Күз алдыңа китер» кебек фильмнар тәкъдим ителде.