«Татарстан энҗесе» - 19 яшьлек Чаллы кызы

Инвалид хатын-кызлар арасында үтүче «Татарстан энҗеләре» III Республика бәйгесендә җиңүче булып 19 яшьлек Чаллы кызы Вероника Лазарева танылды.

Бәйгенең финалы һәм гала-концерты кичә Казан дәүләт «Әкият» курчак театрында узды. Катнашучылар Казан, Алабуга, Чистай, Чаллы шәһәрләреннән һәм Кама Тамагы, Байлар Сабасы районнарыннан килгән.
Бәйге җиңүчесе булган Вероника Лазарева турында язган идек инде. Аның тумыштан кул-аяклары сәламәт түгел. Ул синтезаторда кул протезлары белән уйнап, «Титаник» фильмындагы җырны инглиз телендә башкарды.