Татарстан чибәре Төркиядәге халыкара конкурс җиңүчесе булды

Төркиянең Кемер шәһәрендә "Мисс Aura International" халыкара матурлык бәйгесе тәмамланды, дип хәбәр итә "Вести КАМАЗа" басмасы.

Конкурста төрле илләрдән 28 кыз катнашты. Матурлык, аң-белем һәм иҗади сәләтлелек буенча көрәш ике атнага сузылды. Финалда спорт чыгышы, дизайнер киемнәрен тәкъдим итү булды һәм милли киемнәрдә чыгыш ясадылар. Нәтиҗәдә, жюри иң-иңнәрдән дип Казан кызы, "Мисс Татарстан 2018" титулы иясе Камилә Хөсәенованы сайлады.


 
Фотолар: Камилә Хөсәенованың шәхси архивыннан.