Татар китапларын Тегеранда тәкъдим итәләр

Тегеранда узучы халыкара китап күргәзмәсендә Татарстан делегациясе дә катнаша.

Татарстан китап нәшрияты анда 80 төрле китап, шул исәптән Габдулла Тукай һәм Муса Җәлилнең яңа чыккан басмаларын да тәкъдим итәчәк.
Күргәзмә кысаларында танылган язучылар белән очрашулар узачак, тематик түгәрәк өстәлләр, милли нәшриятларның презентацияләре оештырылачак. Татарстан китап нәшрияты генераль директоры Илдар Сәгъдәтшин “Татарстан китап нәшриятының эш тәҗрибәсе: агымдагы вазгыять һәм үсеш перспективалары” дигән темага чыгыш ясарга тиеш.
 

http://www.shahrikazan.com/tt/