Татар җырчысы Илназ Сафиуллин Чаллы кызына өйләнгән

Сентябрь башында Казанда татар эстрада җырчысы Илназ Сафиуллинның туе булды.

Тормыш иптәше итеп ул Чаллыда Шаяннар һәм тапкырлар клубы әгъзасы Айгөл Хуҗинаны сайлаган. Яшьләр 4 ел элек танышкан, никахны алар Чаллының "Нур Ихлас" мәчетендә укыткан, ә туй Казанда узган.
 
"Баштан ук Айгөл белән кызык һәм күңелле ТАТАР туе үткәрергә дигән хыялда идек. Һәм без моңа ирештек", дип сөйли Илназ.
Туйдан соң алар Италиягә ял итәргә киткән.
 
 
Фото: гаилә архивыннан.