Таиланд курортында ике шартлау булган

Таиландның Паттани курорт провинциясендә ике шартлау нәтиҗәсендә бер кеше үлгән, 30дан артык кеше яраланган, - дип хәбәр итә массакүләм мәгълүмат чаралары.

Шартлаулар Southern Hotel кунакханәсе тирәсендә башкарылган. Беренче шартлау кешеләргә зыян салмаган. Икенчесе шартлаткыч тутырылган автомобильне шартлату нәтиҗәсендә булган, бер кеше һәлак, кимендә 30 кеше яраланган.
Полиция үлүчеләр арасында чит ил гражданнары юк дип белдерә.
Әлегә бер оешма да шартлату өчен җаваплылыкны үз өстенә алмаган.
 
 

Чыганак: http://tat.tatar-inform.ru