"ТАИФ-НК" заводында янгын чыккан

Бүген Татарстанның Түбән Кама шәһәрендә “ТАИФ-НК” заводының авыр калдыкларны тирәнтен эшкәртү комплексы цехында янгын чыккан. 
Фото: vk.com
Комплексны файдалануга быелның дүртенче кварталында тапшырырга тиеш булганнар. Аның төзелеше 2012 елның көзендә башланган, проектның гомуми бәясе 67 миллиард сум күләмендә исәпләнә. 1 миллиард долларны “ТАИФ-НК” үзе инвестицияләгән, тагын 600 мең сум «Альфа-банк»тан кредитка алынган.
Республика җитәкчелеге тарафыннан әлеге проектының Татарстан өчен мөһимлеге күп тапкырлар искәртеп үтелде.
«ТАИФ-НК» заводының үзендә бу хәл уңаеннан аңлатма бирмәделәр, дип хәбәр итә Татар-информ МА.