“Сөйкемле Шүрәле”ләрдән торган күргәзмә ачылды

Арча районы Яңа Кырлай авылындагы Габдулла Тукайның әдәби-мемориаль музеенда “Сөйкемле Шүрәле” конкурсында җиңүчеләр хезмәтләреннән төзелгән күргәзмә ачылды.

Халыкара бәйге җиденче тапкыр оештырыла. Быел ул Габдулла Тукайның тууына 130 ел тулуга багышланган. Конкурста 107 бала җиңеп чыккан һәм экспозициядә 100ләп иҗади эш урын алган. Анда Казахстаннан катнашучылар да бар. Алар кул эшләренең фотосурәтләрен җибәргән. Экспонатлар арасында балалар ясаган рәсемнәр, курчаклар, агач эшләнмәләре һ.б.лар бар.
Күргәзмә көзгә кадәр эшләячәк.
 

Чыганак: http://tat.tatar-inform.ru