"Сөембикә" журналының баш мөхәррире вазифаларын Лариса Маликова башкарачак

"Сөембикә" журналын бер елдан артык җитәкләгән Гөлнара Сабирова "Ватаным Татарстан" газетасына баш мөхәррир итеп билгеләнде. Хәзер "Сөембикә" журналын вакытлыча Лариса Маликова җитәкләячәк. Бу турыда журалның рәсми сайтында хәбәр ителә.

"Бүгеннән журналда җитәкче-баш мөхәррир вазифасын вакытлыча Лариса Маликова башкарачак. Ул безнең үзебезнең кеше! Моңарчы "Сөембикә"дә җаваплы сәркәтип булып эшләде. Эзләнүчән, тырыш, креатив. "Татарстан Республикасының матбугат һәм массакүләм коммуникацияләренең атказанган хезмәткәре" дигән мактаулы исеме бар", диелгән бу хәбәрдә.

Фото: Солтан Исхаков

https://tatar-inform.tatar/news/2019/03/19/182901/