Сириядә самолет һәлакәткә юлыгып, ике Татарстан кешесе һәлак булган

6 мартта Ан-26 самолеты Сириядәге Хмеймим аэродромының утыру полосасына төшәргә 500 метр кала һәлакәткә очраган, дип яза "Вести КАМАЗа" басмасы.
 


Фото: РИА Новости (Виталий Аньков)
РФ Оборона министрлыгында авиаһәлакәтнең сәбәбен техник яктан төзексезлек белән аңлаталар. Бортта 33 пассажир һәм 6 экипаж әгъзасы булган. Исән калучылар юк. 27 офицер һәлак булган, шуларның берсе - Кораллы көчләр генерал-майоры Владимир Еремеев.
Һәлак булучылар исемлегендә ике Татарстан кешесе дә бар:
Басыйров Руслан Марат улы, 24.06.1992 г., Казан шәһәре;
Питимиров Дмитрий Иванович, 10.04.1994 г., Аксубай районы Иске Үзи авылы.