Синоптиклар Татарстанда яшен һәм көчле җил турында кисәтә

27 майда төнлә һәм көндез Татарстан Республикасы территориясендә яшен, көчле яңгыр һәм җил көтелә. Бу турыда Татарстан Гидрометеорология үзәге хәбәр итте.

Көньяк-көнбатыштан исә торган җил тизлеге көчәйгәндә секундына 15 — 20 метрга җитәргә мөмкин.
Казанда җил тизлеге секундына 17 метрга кадәр җитүе ихтимал, диелә бу хәбәрдә.
Төнлә һава температурасы +9..14 градус, көндез +18..23 градус җылы булыр, дип фаразлана.

Фото: архив татар-информ

https://tatar-inform.tatar/news/2019/05/26/186990/