Синоптиклар Татарстанда җылытачак дип вәгъдә итә

Дүшәмбе Татарстанда җылытачак. Әгәр соңгы көннәрдә төнлә -27 градуска кадәр фаразланса, ә иртәгә һава температурасы -17 градустан төшмәячәк.
Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, республика территориясенең күпчелек өлешендә төнлә -7..-12 градус, көньяк һәм көнчыгыш районнарында -17 градус булуы көтелә. Көндез иң югары һава температурасы -2..-7 градус булачак.
Иртәгә болытлы һава торышы көтелә, шулай ук кар, уртача тизлектә җил фаразлана. Юлларда бозлавык көтелә.

Чыганагы: https://tatar-inform.tatar/news/ecology/13-03-2022/sinoptiklar-tatarstanda-ylytachak-dip-v-g-d-it-5851234