Синоптиклар Татарстан халкын томан турында кисәтә

Иртәгә, 28 мартта төнлә һәм көндез, Татарстан территориясендә һәм республика башкаласында урыны белән томан көтелә.

Бу хакта Татарстан Гидрометеорология үзәге матбугат хезмәте хәбәр итә.
Синоптиклар шулай ук вакытлыча юеш кар, яңгыр булачак, дип фаразлый. Юлларның кайбер урыннарында бозлавык хасил була.
Төнлә термометр баганалары -2...+3 градус күрсәтәчәк, ә көндез һава температурасы +7 градуска кадәр күтәрелергә мөмкин.

Фото: архив татар-информ

https://tatar-inform.tatar/news/2019/03/27/183412/