Шпинат — «яшел табиб” ул!

Яз көне сәламәтлекне ныгыту, организмга көч туплау өчен яңа гына үсеп чыккан яшел үсемлекләрне туклану рационына күбрәк кертергә киңәш ителә. Шпинат – нәкъ шундый файдалы үсемлек.
Шпинат яфраклары – витаминнар һәм микроэлементлар ул! Яшел яфраклар С, В1, В2, Е, Д, Р витаминнарына, каротинга бай, аларда аксым, тимер, фосфор һәм кальций тозлары бар. Шпинат организмнан токсиннарны һәм шлакларны чыгара, кандагы гемоглобинны нормада тотарга ярдәм итә. Яшел шпинатның яман шеш авыруларын булдырмау өчен дә файдасы зур.
Ашка, салатка әле сабакланмаган яшь үсемлек яфракларын файдаланалар. Шпинатны ашарга яңа җыелган хәлдә кулланалар, аны өзгәч озак сакларга ярамый, витаминнары югала.

Фото: https://ru.freepik.com/Изображение от Racool_studio

Чыганагы: https://kiziltan.rbsmi.ru/articles/poleznoe/Shpinat--yashel-tabib-ul-255871/