Шагыйрә Лилия Сәләхетдинова кияүгә чыкты

Казанда яшәүче шагыйрә Лилия Сәләхетдинова Ришат Тимергалиевка кияүгә чыкты.
Фото: скриншот поста instagram.com/mechet_yardem_official/
«Ярдәм» мәчетенең (тантаналы вакыйга шунда үткәрелгән) Instagram социаль челтәрендәге профилендә шул хакта мәгълүмат урнаштырылган.
«Бүген «Ярдәм» мәчетендә шатлыклы вакыйга булды, тагын бер яңа гаилә барлыкка килде. Бер-берегезнең кадерен белегез, бергә үткәргән һәр көнегез шатлыклы вакыйгалар һәм җылылык белән тулсын», - диелә фотолар янындагы язмада.

Физик мөмкинлекләре чикле булуга карамастан, Лилия Сәләхетдинова актив тормыш белән яши. Ул «Ярдәм» дәвалау-укыту тернәкләндерү үзәгенең тәрбия эшләре буенча вице-президенты урынбасары да булып эшли.
Лилия Сәләхетдинова «Бер-беребезгә ярдәм итик» проектына кураторлык итә.
 

Бу хакта тулырак: https://tatar-inform.tatar/news/2018/10/22/173843/