Шагыйрь, публицист Рәфикъ Юныс вафат…

Озак еллар «Казан утлары» журналының баш мөхәррир урынбасары вазифасын башкарган Рәфикъ Юныс бүген вафат булган. 
«Казан утлары» журналы кайгылы хәбәр җиткерде. Редакциябездә зур югалту: озак еллар «Казан утлары» журналының баш мөхәррир урынбасары вазыйфасын башкарган Рәфикъ Юныс улы Юнысов бүген 78 нче яшендә бакыйлыкка күчте. Бу хакта мәрхүмнең хатыны Дания ханым хәбәр итте»,
«Казан утлары» журналының баш мөхәррир урынбасары, язучы, шагыйрь, милли хәрәкәт активисты Рәфикъ Юныс белән хушлашу мәрасиме иртәгә, 20 гыйнварда, 10.00 сәгатьтә «Татмедиа» бинасы янында (Казан шәһәре, Декабристлар урамы, 2 йорт) булачак.
Рәфыйк Юныска 77 яшь иде. Мәрхүм туган авылында - Арча районының Кәче авылында җирләнәчәк, диде журналның баш мөхәррире Рөстәм Галиуллин.
 

Фото: татар-«информ

https://tatar-inform.tatar/news/society/19-01-2021/yazuchy-publitsist-r-fik-yunys-bel-n-hushlashu-tatmedia-binasy-yanynda-uzachak-5799978