Сәламәтлек өчен файдалы эчемлек

Бу эчемлекне көне буе чәй, сок һәм кофе урынына эчәргә була.

3 алма алырга (кабыгы әрчелмәгән һәм яшел булса яхшырак), вак итеп турарга һәм өстенә 1 литр кайнаган су салып, 10 минут сүрән утта кайнатып алырга.
30 минут төнәткәннән соң, тәм буенча бал һәм бер чеметем имбир порошогы салырга. Җылы килеш эчәргә. Бу эчемлек йокы килүне һәм арыганлыкны бетерә, сәламәтлекне ныгыта.
Мондый алма кайнатмасы гомумән организмга яхшы тәэсир итә, шешенүне бетерә, ә андагы имбир ашкайнату эшчәнлеген һәм кан әйләнешен яхшырта.