Сарман районы Җәлил бистәсендә патриотик җыр һәм нәфис сүз фестивале узды

Сарман районы Җәлил бистәсенең Мәдәният сараенда нәфис сүз һәм патриотик җырлар  конкурсы үтте. Бу хакта район басмасы хәбәр итә.

Чара Җәлил бистәсе мәктәпләре һәм гимназиясе арасында, шагыйрь Муса Җәлил тууга 113 яшь тулуга, Җәлил бистәсе оешуның 55 еллыгына, Җәлил газ һәм нефть чыгару идарәсенә 60 ел тулуга һәм Әфгәнстаннан Совет гаскәрләрен чыгаруга 30 ел тулу унаеннан оештырылган иде.

Бу фестивальдә Җәлил бистәсенең 2 нче номерлы урта гомуми белем бирү мәктәбенең музыка укытучысы Ильмира Шәйдуллина җитәкчелегендәге “Тамчылар” җыр һәм бию ансамбле I урынны яулады.